- 742 -

1449. Mai 5.

Hochgeborne ffurstynne, gnedige frawe, ersamen wolweisen lieben frunde, vnsere willige dinste mit frundlichem grusse zuuor, als ewer gnode vnd ir von Coldan wegin vns geschreben habit, nw is vnser bote von Coldan nicht komen vnd wir ouch noch nicht antwort von im habin vnd so balde vnser bote komet vnd antwort brengen wirt, wellen wir ewer gnode vnd euch mit vnserm boten ane sewmen wissen lossin. Geben am montage vor Stanislai anno etc. XLnono.
Ratmanne der stat Sweidnitz.

Ohne Rückaufschrift.

Orig. Kgl Bibl. z. Berl Ms. Boruss. f. 568. No. 28.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866